VENDIM

"PËR NJË NDRYSHIM NË VENDIMIN E KËSHILLIT TË MINISTRAVE, Nr. 786, datë 17.12.1998,  "PËR KUALIFIKIMIN SHKENCOR, PASUNIVERSITAR DHE PËR KLASIFIKIMIN E PUNONJËSVE, PEDAGOGJIKË E KËRKIMORË""

Për titullin "Prof. Asoc"

Ky titull mund t'u jepet kandidatëve që kanë mbaruar studimet e doktoraturës në universitete të njohura ndërkombëtarisht, pa respektuar afatet e mësipërme kohore, kur ata plotësojnë kriteret e mëposhtme:

• a) Kanë mbrojtur doktoraturën (Ph.D., Dr.sc.) me rezultat së paku "mirë";
• b) Kanë botuar, si autorë të parë, së paku katër artikuj shkencorë origjinalë prej të cilëve së paku dy në revista shkencore ndërkombëtare me bord editorial;
• c) Kanë bërë së paku tri referime ose prezantime në kongrese ose konferenca shkencore ndërkombëtare;
• d) Kur kandidatja/-ti ka botuar në gjuhën shqipe një monografi, e cila është e ndryshme nga disertacioni i doktoratës ose masterit, kjo vepër zëvendëson kërkesat e pikës "c";
• e) Kanë dhënë mësim (leksione, seminare) së paku për dy vite akademike pas përfundimit të doktoratës;
• f) Janë në gjendje të japin mësim në një gjuhë të huaj perëndimore.

Për titullin "Profesor"

Ky titull mund t'u jepet kandidatëve që kanë mbaruar studimet e doktoraturës në universitetet perëndimore, pa respektuar afatet e mësipërme kohore, kur ata plotësojnë kriteret e mëposhtme:

• a) Kanë mbrojtur doktoraturën (Ph.D., Dr.sc.) me rezultat së paku "shumë mirë";
• b) Kanë botuar, si autorë të parë, së paku 5 artikuj shkencorë origjinalë. Tri prej tyre duhet të jenë të botuar në revista shkencore me bord editorial profesional dhe një artikull të jetë i botuar në një revistë me faktor impakti;
• c) Kanë bërë së paku pesë referime ose prezantime në kongrese ose konferenca shkencore ndërkombëtare, të botuara në proceedings me numër ISSN;
• d) Kur kandidatja/-ti ka botuar në gjuhë të huaj një monografi, e cila është e ndryshme nga disertacioni i doktoratës ose masterit, kjo vepër zëvendëson kërkesat në pikën "b" dhe "c";
• e) Kur kandidatja/-ti ka botuar në gjuhën shqipe dy monografi, të cilat janë të ndryshme nga disertacioni i doktoratës ose masterit, kjo vepër zëvendëson kërkesat për botime në pikat "b";
• f) Kanë dhënë mësim (leksione, seminare) në shkollën e lartë, së paku për tri vite akademike pas përfundimit të doktoratës;
• g) Kanë dhënë mësim në një universitet perëndimor së paku për një vit akademik dhe kanë fituar statusin e asistent profesorit;
• h) Janë titullar së paku në një lëndë dhe kanë dhënë kontribut të vlerësuar nga kritika në një fushë të caktuar të kërkimit shkencor.
• i) Kanë kontribut në zhvillimin akademik të shkollës së lartë;
• j) Janë në gjendje të japin mësim në një gjuhë të huaj perëndimore.